ramadan kreem
5 سبتمبر 2008
* كل سنه وانتم بخير ..
الفتره الماضيه مايقارب الشهرين كانت انشغالاتي محصوره بانتاج شركتنا الصغيره
انتهى اول ظهور لنا ولله الحمد وفقنا الله وكانت النتائج طيبه ومشجعه !
واحد الايميلات اللي نفتخر فيها كان من صديقه من احدى الدول المجاوره تسألنا عن امكانية تطبيق نفس الفكره كفرع لنا عندهم ! طبعا هذا اسعدنا جدا انه كان لنا اثر طيب وتحفيزي بهذه السرعه
بالاضافة لرسائل كثييره كنا نستقبلها خلال ايام القافله هالشيئ كان يحفزنا نعطي اكثر واكثر
الفكره من بدايتها الى التخطيط الى التنفيذ والانتاج كانت متعبه ومرهقه لكن النتائج ولله الحمد تنسينا التعب
حاليا نجهز لعرض اخر وسيتم الاعلان عنه خلال هذه الايام
دعواتكم لنا بالتوفيق
..
بعض صور المعرض ..
واول يوم كان افتتاحه بمفاجأه من نوال !
ممنونينك ياذوق .. ماننحرم يارب 
Moments-group
21 أغسطس 2008
وكبرنا يابييّ وكبرت فينا المسؤوليه !
28 يوليو 2008
قبل كم يوم كنا في مشوار نوصل امي وصاحبتها الى اللجنه التطوعيه
كنا نحكي بالسياره عن حال بعض الاحياء الفقيره وكيف الوضع كلما له يتردى مع الحاله الاقتصاديه للبلد وغلاء مواد البناء اللي وصل الناس انهم يسحبون اسلاك الكهرب من البيوت -سرقه بمعنى اصح- حتى يكمل بيته ! او يبيعها \ ايا كان لازلت مااصدق يوصل الحال لكذا !
من هالموضوع لموضوع اخر كان نقاشنا قبل فتره مع موظفه في قطاع التعليم تحكي عن معلمه جديده بمدرستهم كانت - Lesbian - والعجب كيف تم توظيفها ! الادهى والامرّ انها كانت تعمل اعمال غير اخلاقيه لدرجة طالبات تدهورت مستوياتهم تغيرت اهتماماتهم ولا من رقيب ولاحسيب \ حسب كلامها رفعوا خطاب لكن اخذ فتره طويله ولااحد غير شي بالموضوع
المعلمه هذه ومن الغلط اسميها معلمه يفترض اذكر اسمها للتحذير لكن حتى مايدخل في باب التشهير واظل طرف ثالث يخفى علي الكثير من الموضوع رغم اني سمعت العجب العجاب من التفاصيل الامر اللي ظل يطرى على بالي ليه ماتكون لجنة خاصه لكل منطقه من مناطق السعوديه تعنى بالامور هذه ايا كان محتواها لكن يكون السرعه بالتواجد والنظر في الموضوع والبحث فيه هو اساسها \ التعليم مهنه لايستهان بها كيف نسلم اطفالنا بناتنا واولادنا لمعلمين يحملون افكار تخالف منهجنا وعاداتنا وديننا !
لازلت في صدمه من الخبر ..
__
قبل فتره كان فيه لقاء مع الامير فهد بن سلمان عن جمعية الفشل الكلوي
اطرح هنا بريد الجمعية للي حاب يستفسر
univedu@fahad-kella.org
ــــــ
ـــــ
اليوم ببرنامج للدكتور ميسره طاهر على قناة الرساله لخص اشياء كثيره في سطر واحد اعجبني كثير :
ثقافتنا التربويه قائمه على اظهار الذنوب واغفال الحسنات !
ــــ
وموقع رائع جدا .. the Holy Quran
وصيفكم راحة بال يارب
3 days till my B.day
HOME sweet home
14 يوليو 2008طبعا صار خبر قديم بس الضياع اللي صرت فيه من اول يوم اجازه حرمني اسوي ابديت للاسف
خرب الماك بوك وضاعت كل الداتا !! -فيس مع جلطه بقلبه-
خرب الماك بوك وضاعت كل الداتا !! -فيس مع جلطه بقلبه-
مرّ شهر تقريبا .. كان المفروض انزل النسخه الجديده من الموقع والبلوق لكن توي ارجع للماك بوك من اول يوم تخرجت فيه خرب 
امم احلى شي حصل لي هو بارتي مفاجأه بمناسبة العوده اخيرن للهوم من اجمل الصديقات
هنا الصوره اللي طبعوها على الكيكه مرره حبيتها يخليهم لي يارب وافرح فيهم قريب
* لااحد يدقق ع السبلينق لول
,
,
وبرضو قابلت بالواقع صديقه رااااائعه جدا تمنيتها اقرب واقرب
اللقا كان مريييييح لاقصى حد وممتع جدا .. هيفاء خلينا نشوفك اكثر واكثر قبل مشروع الرياض 
اممم اول مافتحت البلوق اذكر فيه حاجه لازم اسويها توي اتذكر … الهوم ووركز !
the 1st z six secretes :
القوانين :
1/ أذكر اسم من طلب منك حل هذا الواجب.
2/ اترك تعليق في مدونة من حولت الواجب عليهم، ليعلموا عن هذا الواجب.
3/ أذكر القوانين المتعلقة بهذا الواجب.
4/ تحدث عن ستة أسرار قد لا يكتشفها من يقابلك للمرة الأولى.
_____
باسم الله ..
1\ من : ساره المغلوث وهيفاء وريما .. على كذا مابيمديني امرره لاحد لاني اخر وحده بالعالم !
2\ فيه احد ماحله !
3\ ذكرناها
4\* اممم مزاجيه يعني شغله بسيطه تخرب مودي لكن فيه ناس اذكياء يعدلونه لي بثانيه 
* اتنرفز من المكان المزحوووم والازعاج مره يأثرون على مودي ويخربون اي لقاء
* ثالث شغله اني مفضوحه بتعابيري مااعرف اكذب او اجامل او حتى اسوي مقلب باحد ! وعلى قولة بعض الناس كل شي يبان بعيوني
-خلال ماانا اكتب جاني خبر بالتلفون ضيعني! وخرب مودي-
باقي 3 .. * مم اتضايق من الناس اللي تكذب علي لاي سبب كان جدا يتعبني هالموضوع
* اقدر الناس البشوشه تخليني اخذ واعطي معهم باريحيه
* افهّي بسرعه واسرح كل شوي فعادي فجأه اسأل وش تتكلمون عنه ! مو عدم اهتمام بس غصب عني لول
ـــــــــــــــــ
the 2nd z flickr Mosaic:
من ساره
Put your answers to the following questions into the search field on Flickr.com and choose your favourite picture from the first page only and create your own mosaic here.
1. What’s your name?
2. Your favourite food?
3. Your High School?
4. Your favourite colour?
5. Your celebrity crush?
6. Your favourite drink?
7. Dream Vacation?
8. Favourite dessert?
9. Your dream job?
10. The thing you like best in this world?
11. A word that describes you?
12. Your nickname
جربوه حيل ممتع هالموقع !
كثرت حكي .. نخليه للايام الجايه
